Farz karo ham ahl-e-wafaa hoN, farz karo diivaane hoN

Farz karo ham ahl-e-wafaa hoN, farz karo diivaane hoN

farz karo ye donoN baateN jhuTi hoN afsaane hoN

farz karo ye ji kii biptaa ji se joR sunaayii ho

farz karo abhi aur ho itni aadhi ham ne chhupaayi ho

farz karo tumheN Khush karne ke dhuNde ham ne bahane hoN

farz karo ye nain tumhaare sach-much ke maiKhaane hoN

farz karo ye rog ho jhuTa jhuTi peet hamaari ho

farz karo is peet k rog meN saaNs bhi ham pe bhaari ho

farz karo ye jog-bijog ka hamne Dhong rachaaya ho

farz karo bas yahi haqiqat baaqi sab kuch maayaa ho...