Misal e abr zameen ka libaas ho jaon

Misal e abr zameen ka libaas ho jaon
Jo youn nahi to samandar ki pyas ho jaon

Tamam din ki karhi dhoop main yeh sochta hon
Main shab ke pichlay pehar ka hiraas ho jaon

Ab apne wastay tujhay mangnay se khauf aye
Tuu hath utha kay teri iltmaas ho jaoon

Bujhi bujhi huee ankhon kee tergi ki kasam
Tujhay parhon to sitara sanaash ho jaon

Khushi milee to kayee dard mujh se rooth gaye
Dua karo kay main phir se uddas ho jaon

Meri kitab kay unwaan zara qareeb ayo
Main apne aap tera iqtbaas ho jaon

Ab apne aap sanwarnay ka shok kia
Kisee ujartay huye dil ki aas ho jaoon