Apney pichley bara maah k

Apney pichley bara maah k
Dukh sukh ka andaza karna
Basri yaadein taza karna
Sada sa ik kaghaz ley kar
Bhooley basrey pal likh lena
Apnay saray KaL likh Lena
Phir iss beetey ik ik pal ka
Apney guzrey ik ik kal ka
Ik Ik mour ka ahata karna
Sarey dost akhatay karna
Saree subhein hazir rakhna
Saree shamein paas bulana
Aur ilawa in k dekhoo
sarey mausam dheyaan mein rakhna
Ik ik yaad gumaan mein rakhna
Phir mohtaat qayaas lagana
Gar to khushiyaan barh jayen to
Tum ko meri taraf se..
Ye anay wala SaaL mubarak..!
Aur agar gham barh jayen to
Mut bekaar takaluf karna..
Dekho phir tum aisa karna
Meri khushiyaan tum ley lena
Mujh ko apney ghum dey dena
Ab k saal kuch aisa karna..!!

Usay kehna bicharne se

Usay kehna bicharne se muhabat to nahi marti..
Bichar jana muhabat ki sadaqt ki alamat hai ..

Muhabat aik fitrat hai , Han fitrat kab badaltai hai ..
So, jab hum door ho jaein, Naye rishton mein kho jaein..

Tu yeh mat soch lena tum, Keh muhabat mar gai ho gi..
Nahi aise nahi hoga ..

Mere bare mein gar tumhari ankhein bhar ayein..
Chalak kar aik bhi ansu palak pe jo utar aye..

To bas itna samaj lena ,
Jo mere nam se itni tere DIL ko aqeedat hai..

Tere dil mein bichar kar bhi abhi meri muhabat hai ..
Muhabat tu bichar kar bhi sada abad rehti hai ..

Muhabat ho kisi se tu hamesha yaad rehti hai ..
Muhabat waqt ke Be-Reham tufaan se nahi darti..

Us ki aankhain sawal

Us ki aankhain sawal karti hain...

Meri himmat jawab deti hai...

Usay kaho Qasam le lo

Usay kaho !!!
Qasam le lo,
Tumhare baad,
Kisi ka khuab dekha ho,
Kisi ko hum ne chaha ho,...
Kisi ko hum ne socha ho,
Kisi ki aarzo ki ho,
Kisi ki justujo ki ho,
Kisi ki raah dekhi ho,
Kisi ka qurb manga ho,
Kisi ko sath rakha ho,
Kisi se aas rakhi ho,
Koi umeed bandhi ho,
Koi dil main utara ho,
Koi tum se pyara ho,
Koi dil main basaya ho,
Koi apna banaya ho,
Koi rootha ho to hum ne
usay ro ro manaya ho,
December ki haseen rut main,
Kisi ka hijar jheela ho,
Kisi ki yaad ka musum,
Mere aangan main khela ho,
Kisi se baat karne ko,
Kabhi ye hont tarse hon,
Kisi ki bewafai par,
Kabhi ye nain barse hon,
Kabhi raton ko uth uth kar,
Tere dukh main na roya hon,
Usay kaho qasam le lo,
Tumhare baad ham ik pal bhi soye hon,
Usay kaho qasam le lo,
Kabhi jugnu kabhi tara,kabhi mehtaab dekha ho,
Usay kaho qasam le lo,
Tumhare baad kisi ka khuwab dekha ho......